სინათლის ნაკადების ხაზოვან ჭრილებში გასვლების შესაბამის ემპირიულ კვლევებზე დაფუძნებით,
ვაჩვენებთ, რომ მსგავს ექსპერიმენტებში წარმოქმნილი „დიფრაქციულ-ინტერფერენციული“ სურათები
გენერირდებიან არა ცალკეულ ფოტონთა, ან მათ ნაკადთა გავრცელების რაიმე ფორმის ტალღური ბუნებით,
არამედ სივრცული დისკრეტიზაციის არატალღური ფენომენით.
ვაჩვენებთ, რომ თავად ეს ფენომენი გენერირდება ჭრილის წარმომქნელი ბარიერებით,
მაგრამ არა ფოტონთა კონტაქტური ურთიერთქმედების მექანიზმით ბარიერთა ატომური მესრის
შემადგენელ დამუხტულ ნაწილაკებთან, არამედ ამ დამუხტული ნაწილაკებით წარმოქმნილ ფიზიკურ ველთა
უცნაური ბუნების მატარებელ სივრცულ სტრუქტურებზე ფოტონთა ნაკადების დაჯახებით გამოწვეული
დიფრაქციული გაბნევით.
მითითებულია ასეთი დიფრაქციული გაბნევების წარმომქნელი, უნივერსალური ხასიათის მქონე,
ფიზიკური ფენომენის სავარაუდო მექანიზმი. გამოვთქვავთ მოსაზრებას, რომ აღნიშნული ფენომენის
შემდგომი, უფრო დეტალური ემპირიული და თეორიული კვლევა, გამოიწვევს ფიზიკის ფუნდამენტური
წარმოდგენების მნიშვნელოვან ცვლილებათა განხორციელების აუცილებლობას.
Speakers:
ანზორ ხელაშვილი
(კვანტური ფიზიკისა და საინჟინრო ტექნოლოგიების ინსტიტუტი, სტუ, ილიაუნი),
ზაზა მელიქიქშვილი
(კიბერნეტიკის ინსტიტუტი, სტუ),
იური ბაღათურია
(კიბერნეტიკის ინსტიტუტი, სტუ),
კობა ტურაშვილი
(მაღალი ენერგიების ფიზიკის ინსტიტუტი, თსუ),
საბა კვესიტაძე
(საქართველოს თავდაცვის სამინისტრო)